سچے بول سلاماں والے | ثاقب گولڑوی

نعت آکھنا چنگا بھلا اوکھا فن اے ، کیوں جے اس و چکار عشق الہی تے محبت رسول دے ٹھاٹھاں مار دے جذبیاں دے منہ زور اظہار نوں شریعت دی حدال وچ بیٹھ کے رکھنا پیندا اے نہیں تے کہن والے دابرا حال ہوندا اے جیہڑا پچھلے وقتاں وچ منصور دا ہو یا سی ۔ اپنے آپ نوں انج قانون دی زنجیراں وچ جکڑ کے رکھنا بک شاعر واسطے جان مارن والا کم اے ۔اے پر دھن جناب ثاقب گولڑوی دے بخت جے اوہ اس امتحان و چ سوہنی طرح کامیاب ہوئے ہن۔ ایہ پک اے جے ایہ انہاں آتے خدا تعالیٰ دے فضل تے کرم، نبی کریم دی نظر رحمت تے مرشد دے فیضان دا نتیجہ اے ۔ سیانیاں دا قول اے جہڑی گل دل وچوں نکلدی اے اوس دا اثر وی ڈونگھا ہوندا اے تے اوہ دل وچ ای لہندی جاندی اے کچھ بول سلاماں والے پڑھن والے محسوس کرن گے کہ اس دے شعر پڑھن ویلے عقیدت دانور چپ چہیتے انہاں دے دلاں وچ راہ بناندا ہو یا انہاں دا باطن روشن کر رہیا اے ۔ اللہ تعالیٰ جناب ثاقب گولڑوی نوں لمبی عمر عطا کرے تے جزائے خیر دیوے ۔ آمین

پروفیسر صاحبزادہ عبدالرسول