انقلاب اور رد انقلاب کی کہانی | رانا شوکت محمود کی زبانی

ہنری کسنجر کی آمد 

 صفحہ نمبر ۵۰۴ 

مجھے اگست 1976ء میں ہنری کسنجر کی پاکستان آمد کے ایام بھی بخوبی یاد ہیں۔ جن میں سے ایک واقعہ کا تذکرہ میں دوسرے باب میں کر چکا ہوں جبکہ ساری دنیا اور خصوصاً پاکستان کے عوام جمہوریت پسند اور آمریت کی حامی قوتیں بین الاقوامی سطح پر رپورٹ ہونے والے اس واقعہ سے بخوبی آگاہ ہیں کہ جب امریکہ کے وزیر خارجہ نے ذوالفقار علی بھٹو کو ہر طرح کی اقتصادی وسیاسی امداد کی مشروط فراہمی کی پیشکش کرتے ہوئے ان پر دباؤ ڈالا کہ وہ پاکستان کے ایٹمی پروگرام کو ختم کر دیں لیکن بھٹو صاحب نے نہ صرف پاکستان کے ایٹمی پروگرام سے دستبردار ہونے سے صاف انکار کر دیا تھا بلکہ اس کے حق میں چٹان کی طرح ڈٹ گئے تھے۔ بھٹو صاحب کے انکار سے ہنری کسنجر سخت مایوس اور برا فروختہ ہوئے جنہوں نے واشگاف الفاظ میں دھمکی دی اور کہا۔

مسٹر بھٹو نہ صرف آپ کی حکومت کا تختہ الٹ دیا جائے بلکہ آپ کو ساری دنیا کے سامنے ایک خوفناک مثال بنا دیا جائے گا ,,..

کل صفحات 770