ابا نامہ | نشاط یاسمین | Abba Nama | Nishat Yasmeen Khan

اماں نامہ کے بعد اب نشاط یاسمین خان ابا نامہ کے نام سے ایک کتاب دنیائے ادب کے حوالے کر رہی ہیں میں نے اس نئی کتاب کے جستہ جستہ مضامین پڑھے تو اندازہ ہوا کہ نشاط مزاح لکھنے کا ایک نیا انداز متعارف کرانے جارہی ہیں۔ اول تو دونوں کتابوں کے نام ہی ان کی جدت پسندی کا ثبوت ہیں اوپر سے افسانہ نگار ہونے کے ناطے طرز تحریر میں روانی، بیان میں بے ساختگی اور تخیل میں فکری بلندی کے ساتھ ساتھ جب وہ اس میں مزاح کا لطیف تڑکا لگاتی ہیں تو پڑھنے والا اسے داد دیئے بغیر نہیں رہ سکتا۔ شگفتگی ان کے مزاح کا حصہ ہے اور روانی ان کے قلم کا خاصہ ۔ بات سے بات نکلتی چلی جاتی ہے اور خوشگوار حیرت کی خوشبو مشام جاں کو معطر کیے جاتی ہے۔ تحریر میں کہیں وقفہ یا ٹھہراؤ آئے تو قاری بھی ذرا سانس لے مگر یہاں تو ظرافت کا دریا ہے کہ بہتا ہی چلا جاتا ہے اور منظر ہیں کہ بدلتے ہی چلے جاتے ہیں۔ ابھی پہلے فقرے کا لطف ختم نہیں ہوتا کہ دوسرا فقرہ ذہن و گماں کو نرغے میں لے لیتا ہے اور ابھی آپ اس کے نرنے سے نکلنے کے لیے تدبیریں ہی سوچ رہی ہوتی ہے کہ اگلا فقرہ ظریفانہ و حریفانہ قوس و قزح کی حسیں لطافت کے رنگ بکھیر تا ہوا نمودار ہوتا ہے۔ کتاب کے اوراق پڑھتے ہوئے اچانک لطف آ گیا۔ مجھے یقین ہے کہ اماں نامہ کی طرح ابا نامہ بھی مزاحیہ ادب میں ایک گرانقدر اضافہ ثابت ہوگی ۔ میں نشاط یاسمین خان کو ملت مزاح میں داخلے پر خوش آمدید کہتا ہوں اور امید رکھتا ہوں کہ ان کا قلم اسی طرح شگوفوں پر شگوفے بکھیر تا رہے گا۔

 ڈاکٹر انعام الحق جاوید

اسلام آباد

_______________________________________________________

دس منٹ کا مزاح لکھنے کے لیے بعض اوقات دس گھنٹے تکلیف سے گزرنا پڑتا ہے۔ مزاح نگاری بڑا ہی مردانہ وار قسم کا کام ہے خواتین تو ایک من آٹے میں چھٹانک نمک بھی نہیں ہیں ۔ ہمارے ہاں انجم ابصار، بشری انصاری ( مزاحیہ ڈرامے لکھے ) جگنو محسن (منگلش ) اسی طرح ہندوستان میں زینت ساجدہ جیلانی بانو عابدہ محبوب جب کہ خاکہ نگاری بھی کسی حد تک طنز و مزاح کے زمرے میں آتے ہیں۔ محترمہ عصمت چغتائی ، رضیہ سجاد ظہیر، قرۃ العین حید ر سعد یہ مشتاق اور صفیہ شاہین کے نام قابل ذکر ہیں جب کہ شفیقہ فرحت کو پہلی مزاح نگار خاتون کا اعزاز حاصل ہے۔ محترمہ نشاط یاسمین خان نے اس میدان میں کسی رستم زماں کی طرح پاؤں رکھ دیا ہے ۔ اب نامہ خاصے کی چیز ہے۔

مظہر شہزادخان

 چکوال

_______________________________________________________

اپنی اس سنسان مزاح نگری میں کسی نازنین کی آمد کی خبر سن کر ہمیں خوشی تو اس بات کی ہوتی ہے کہ شاید اب کے ملکہ حسن ظرافت کے عرصے سے بل کہ ہمیشہ سنسان پڑے تخت و تاج کو کوئی جائز وارث نصیب ہو جائے۔

 ڈاکٹر اشفاق احمد ورک

 لاہور